महाराष्ट्रातील विस्तार योजनांना वेग
नागपूर, १९ एप्रिल २०२६ : भारतीय वाहन क्षेत्रातील कंपनी ‘सिंपल एनर्जी’ने नागपूरमध्ये आपला पहिला ‘सिंपल स्टोअर’ सुरू केला आहे. यामुळे महाराष्ट्रातील कंपनीचे विक्री जाळे अधिक विस्तारले आहे. ‘ट्रिनिटी ऑटोमोबाइल्स’च्या भागीदारीत सुरू करण्यात आलेले हे स्टोअर ४५० चौरस फूट भूतलावर आणि २५० चौरस फूट मधल्या मजल्यावर (मेजानाइन एरिया) पसरलेले आहे. याशिवाय, शोरूमपासून १.९ किमी अंतरावर १३०० चौरस फूट क्षेत्रफळाचे सर्व सुविधांनी सुसज्ज असे सर्विस सेंटरही सुरू करण्यात आले आहे. स्टोअर आणि सर्विस सेंटर एकत्र सुरू करण्याच्या ब्रँडच्या धोरणावर हा विस्तार आधारित आहे. ग्राहकांना विक्रीनंतर सुलभ सेवा आणि उत्तम मालकी अनुभव देण्यावर कंपनीचा विशेष भर आहे।
आधुनिक आणि ग्राहक-केंद्रित डिझाइनमध्ये तयार करण्यात आलेले हे स्टोअर ग्राहकांना ‘सिंपल’ ब्रँडचा प्रत्यक्ष अनुभव देण्यासाठी उभारण्यात आले आहे. येथे कंपनीच्या विविध उत्पादनांची विस्तृत श्रेणी प्रदर्शित करण्यात आली आहे. यात नुकताच सादर करण्यात आलेला ‘सिंपल अल्ट्रा’ मॉडेल समाविष्ट असून, त्याची ‘IDC रेंज’ ४०० किमी आहे, जी या उद्योगात आघाडीची मानली जाते. तसेच येथे ‘सिंपल वन जन २’ मॉडेल उपलब्ध असून त्याची ‘IDC रेंज’ २६५ किमी आहे. ‘सिंपल वन-एस जन २’ मॉडेलची ‘IDC रेंज’ १९० किमी आहे. याशिवाय विविध अॅक्सेसरीजचीही मोठी श्रेणी येथे उपलब्ध आहे।
स्टोअरच्या उद्घाटनावेळी ‘सिंपल एनर्जी’चे संस्थापक आणि मुख्य कार्यकारी अधिकारी सुहास राजकुमार म्हणाले, “नाशिक आणि छत्रपती संभाजीनगरसह महाराष्ट्रात आम्ही अलीकडेच काही स्टोअर्स सुरू केले आहेत. आम्ही वेगाने विस्तार करत आहोत. नागपूरमधील हे नवीन स्टोअर आमच्या विस्तार योजनेतील एक महत्त्वाचा टप्पा आहे. यामुळे मोठ्या क्षमतेच्या बाजारपेठांमध्ये आमची मजबूत उपस्थिती निर्माण होईल आणि ग्राहकांपर्यंत ‘सिंपल एनर्जी’चा अनुभव अधिक जवळून पोहोचेल. या उपक्रमाद्वारे दीर्घ पल्ल्याची, विश्वासार्ह आणि निश्चिंतपणे वापरता येणारी दुचाकी उपलब्ध करून देत ‘इलेक्ट्रिक मोबिलिटी’कडे होणाऱ्या बदलाला गती देण्याचा आमचा प्रयत्न आहे. अधिकाधिक रायडर्सपर्यंत उच्च-कार्यक्षमता असलेली ईव्ही पोहोचवण्याच्या आमच्या उद्दिष्टाच्या दिशेने आम्ही पुढे जात आहोत.”
सध्या ‘सिंपल एनर्जी’चे देशभरातील ३६ शहरांमध्ये सुमारे ७० आउटलेट्स सुरू झाले आहेत. यामध्ये बेंगळुरू, दिल्ली, पटना, भोपाळ, आग्रा, गोवा, विजयवाडा, हैदराबाद, विशाखापट्टणम, कोची आणि चेन्नई यांसारख्या शहरांचा समावेश आहे. कंपनी संपूर्ण भारतात आपला विस्तार वेगाने वाढवत आहे. येत्या काही महिन्यांत रांची, भुवनेश्वर आणि इतर शहरांमध्येही ‘सिंपल एनर्जी’ प्रवेश करणार आहे।
‘सिंपल वन’ची किंमत १,८९,९९९ रुपये (एक्स-शोरूम, महाराष्ट्र) पासून सुरू होते, तर ‘सिंपल वन-एस जन २’ची किंमत १,६४,९९९ रुपये (एक्स-शोरूम, महाराष्ट्र) पासून आहे. ‘सिंपल अल्ट्रा’ची किंमत २,३४,९९९ रुपये (एक्स-शोरूम, महाराष्ट्र) आहे. टेस्ट राइड, अॅक्सेसरीज पाहण्यासाठी किंवा स्कूटर बुक करण्यासाठी ग्राहक स्टोअरला भेट देऊ शकतात. टेस्ट राइड आणि बुकिंगची सुविधा https://www.simpleenergy.in/ या वेबसाइटवरही उपलब्ध आहे।
नागपूरमधील स्टोअरचा पत्ता :
शॉप क्रमांक २ आणि ३, प्लॉट क्रमांक २, गावंडे लेआउट, सावरकर नगर, विवेकानंद नगर, नागपूर – ४४००१५।
